Шакуров Рафаил Хайрулла улы.
Шакуров Р.Х. 1930нчы елның 13нче февралендә Озын Куак авылында туа. 1948нче елда Шыгырдан урта мәктәбен, 1953нче елда Казан дәүләт университетын,1966нчы елда Украина Фәннәр академиясенең психология институтында аспирантураны тәмамлый.
Психологик фәннәр докторы, профессор, РАО академигы(1989), ЧРның НАНИ академигы(1994). Укытучы, аннан соң Көнбатыш – Себер тимер юлының 15нче тимер юл мәктәбе директоры, фәнни хезмәткәр, Украина фәннәр академиясенең идарә итү психологиясе институтында лаборатория мөдире(1966-1967), СССРның ПФА институтында директор урынбасары, Украина Фәннәр академиясенең фәлсәфә институтында яшьләрне тәрбияләү бүлегендә өлкән фәнни хезмәткәр(1984-1986), СССР ПФАнең профессиональ – техник педагогика институтының психология лабораториясендә баш фәнни хезмәткәр, лаборатория мөдире. 1997нче елдан бер үк вакытта РАОның Идел буе бүлеге рәисе. 300дән артык хезмәтнең авторы. Шуларның 25е монографияләр һәм китаплар.
1994нче елдан Татарстан Республикасының атказанган фәнни хезмәткәре.
